«ҳоким ёрдамчилари» тегли мақолалар
«Сайхунобод тажрибаси» Фарғона водийсидаги маҳаллаларга татбиқ этилади
Президент Наманган, Андижон ва Фарғона вилоятлари ҳокимлари билан учрашувда маҳаллаларда Сайхунобод тажрибасидан фойдаланиш топшириғини берди. Бунда асосий эътибор томорқа ва хонадонлар имкониятларидан фойдаланишга қаратилади.
Ҳоким ёрдамчиларининг 200 нафари Хитойда амалиёт ўтайди
Ўзбекистондаги 9 минг 400 нафар ҳоким ёрдамчилари «Хитой тажрибаси асосида камбағалликни қисқартириш» мавзусида икки ҳафта мобайнида хитойлик мутахассислардан онлайн таълим олади. Лойиҳанинг 2-босқичида 200 нафар ҳоким ёрдамчилари Хитойда икки ҳафталик амалиёт ўтайди.
Қашқадарёда 2 нафар ҳоким ёрдамчиси қамоққа олинди
Яккабоғ ва Шаҳрисабз туманларининг 2 нафар ҳоким ёрдамчисига жиноят иши қўзғатилди. Улардан бири 1,7 млрд сўмлик имтиёзли кредитни ўзлаштиргани, иккинчиси эса аукционга чиқиб кетган ер майдонини фуқарога қолдириб бериш эвазига 500 доллар олгани айтилмоқда.
«Онлайн маҳалла» сайтини ишлаб чиқиш учун 8,4 млрд сўм сарфланди
Иқтисодий тараққиёт ва камбағалликни қисқартириш вазирлиги ҳузуридаги агентлик «Онлайн маҳалла» платформасини ишлаб чиқиш учун 8,4 млрд сўм (755 минг доллар) сарфлади. У ҳоким ёрдамчиларининг самарали фаолият юритиши ва бошқа мақсадларда фойдаланиш учун мўлжалланган.
Ҳоким ёрдамчиларини ОТМга қабул қилиш суҳбат асосида бўлиши мумкин
Иқтисодий тараққиёт ва камбағалликни қисқартириш вазирлиги ишлаб чиққан Вазирлар Маҳкамаси қарори лойиҳасига кўра, олий маълумотга эга бўлмаган ҳоким ёрдамчилари суҳбат асосида ОТМга қабул қилиниши мумкин.
Ҳоким ёрдамчилари учун ҳалоллик бўйича курслар ўтказилмоқда
Президент танқидидан сўнг, ҳоким ёрдамчилари учун ҳалоллик ва коррупцияга қарши курашиш бўйича махсус курслар ташкил этилди. Семинарларда коррупцияга қарши курашиш бўйича норматив-ҳуқуқий ҳужжатлар, коррупциянинг олдини олиш механизмлари ва бошқалар таҳлил қилинмоқда.
«Айрим ҳоким ёрдамчилари таъмагирлик қилаётгани жуда ачинарли ҳолат» — Шавкат Мирзиёев
Президент Тўрақўрғон тумани «Шарқ» маҳалласидаги ҳоким ёрдамчиси пора олгани учун 5 йилга қамалганини маълум қилди. «Жойлардаги айрим ҳоким ёрдамчилари „кредит, субсидия, ер олиб бераман“, деб таъмагирлик қилаётгани ҳам жуда ачинарли ҳолат», — деди Шавкат Мирзиёев. Барча вилоят, туман ва шаҳар ҳокимлари қатъий огоҳлантирилди.
Сурхондарёда ҳоким ёрдамчиси пора билан ушлангани айтилмоқда
Жарқўрғон тумани ҳокимининг ёрдамчиси фуқародан 60 сотих ер майдонини олиб бериш эвазига 5,5 млн сўм сўрагани хабар қилинди. У пулни олаётган вақтда ашёвий далиллар билан ушланган.
Ҳоким ёрдамчиларига ипотека кредити учун 150 млн сўмгача субсидия берилади
Ҳукумат қарори билан ҳоким ёрдамчилари ва уларнинг фаолиятини самарали ташкил этишга масъул бўлган республика вакилларига ипотека кредити учун уй-жой нархининг 50 фоизигача — бироқ 150 млн сўмдан ошмаган миқдорда субсидия тўлаб берилади. Қолаверса, уларга мукофот пули, маошига устама тўлов, уй ижараси ва шахсий машинасида юргани учун бензин пули, чипталар учун конпенсация ҳам берилади.
5 йилда Самарқандда лой бўлган йўл умуман қолмайди — Эркинжон Турдимов
Самарқанд вилоятида келгуси 5 йилда камида 8 млрд АҚШ долларлик 5,5 мингдан ортиқ инвестицион лойиҳалар амалга оширилиши ва бунинг натижасида 250 мингдан ошиқ доимий иш ўринлари яратилиши режалаштирилган. Вилоят ҳокими 8 минг кмлик йўлларга асфальт ётқизилиб, вилоятда лой йўллар умуман қолмаслигини таъкидлади.
Ўзбекистондаги ҳар бир маҳаллада ёшлар етакчиси лавозими жорий этилди
Президент қарорига асосан мактаблардаги ёшлар етакчилари штат бирликлари қисқартирилиб, унинг ўрнига республикадаги ҳар бир маҳаллада ёшлар етакчиси лавозими жорий этилди. Уларга маҳалладаги хонадонлар сонига қараб, 4 млн сўмдан 5 млн сўмгача маош тўланади. Ҳар чоракда энг илғор 100 нафар етакчи эса бир ойлик маошга тенг пул мукофоти ҳамда «Янги Ўзбекистон ислоҳотчиси» кўкрак нишони билан тақдирланади.
«Ҳоким ёрдамчилари ҳар қандай бюрократиядан холи бўлиши лозим» — Шавкат Мирзиёев
Президент ҳоким ёрдамчиларини ҳеч қайси ҳоким ёки раҳбар мажлисларга чақирмаслиги, турли ҳисоботлар билан «кўмиб ташламаслиги», ҳокимлар улар учун фақат шароит яратиб бериши кераклигини таъкидлади. «Ҳоким ёрдамчилари ҳар қандай бюрократиядан холи бўлиши лозим», — деди Шавкат Мирзиёев.
Ўзбекистон маҳаллаларида 9 мингдан ортиқ ҳоким ёрдамчилари иш бошлади
10 январдан Ўзбекистоннинг барча ҳудудларида 9311 нафар ҳоким ёрдамчилари ўз фаолиятини бошлади. Энг кўп ҳоким ёрдамчилари Самарқанд (1120), Фарғона (1055) ва Тошкент вилоятларида (1014) тайинланган. Ҳоким ёрдамчиларининг ҳудудлар бўйича тақсимоти.
Қашқадарёда ҳоким ёрдамчилари дам олиш кунлари ишга чақирилгани айтилмоқда
Қашқадарё вилояти ҳокимининг биринчи ўринбосари Нодир Эркаев 4 январгача барча ходимлар учун дам олиш куни этиб белгиланганига қарамасдан, январь бошидан вилоятдаги ҳоким ёрдамчиларини ишга чақириб олгани айтилмоқда. «1 январдан ҳамма маҳаллада иш бошлаши керак», — деб ёзган у ижтимоий тармоқларда тарқалган суратда. Нодир Эркаев 3 январь куни ҳоким ёрдамчилари билан Қамаши туманидаги маҳаллаларга ҳам борган.
Андижон вилоятида ҳоким ёрдамчилари униформаси учун 855 млн сўм ажратилди
Андижон вилояти ҳокимининг фармойиши билан ҳоким ёрдамчиларининг униформаси учун 855 млн сўм ажратилди.
Ҳоким ёрдамчиларининг маоши улар ишлайдиган маҳалладаги хонадонлар сонига қараб белгиланади
Президент фармонига биноан, ҳоким ёрдамчиларининг ойлик иш ҳақи миқдори улар бириктирилган маҳалладаги хонадонлар сонига мутаносиб равишда белгиланади. Шунингдек, ҳукумат бир ой муддатда ҳоким ёрдамчилари фаолиятини қўллаб-қувватлаш жамғармаси тўғрисидаги низомни тасдиқлайди.
«Ҳеч кимни мажбурлашга ҳаққи йўқ». Адлия вазири — ҳоким ёрдамчиси лавозимига мажбурий тайинловлар ҳақида
Адлия вазири Русланбек Давлетов республикадаги барча маҳаллада ҳоким ёрдамчиси лавозимига молия-иқтисодиёт сектори ходимлари мажбуран ўтказилаётганига изоҳ берар экан, «бу ноқонуний», дея таъкидлади. «Ҳеч кимни мажбур қилишга ҳаққи йўқ… Тазйиқлар бўладиган бўлса мурожаат қилиши мумкин», — деди у. Вазир шунингдек, касбни эркин танлаш конституциявий ҳуқуқ эканлигини эслатиб ўтди.
«Инвестиция дастури вазирликда эмас, балки маҳалладан бошлаб шаклланади» — президент
Шавкат Мирзиёев келгуси йилдан маҳаллалар эҳтиёжларини инобатга олган ҳолда инвестиция дастурлари ишлаб чиқилишини, бунга эса ҳоким ёрдамчилари масъул бўлишини маълум қилди. «Бундан буён инвестиция дастурларини ҳокимларнинг ўзи маҳаллабай тамойили асосида ишлаб чиқади. Яъни, дастур вазирликда эмас, балки маҳалладан бошлаб шаклланади», — деди давлат раҳбари.
Вилоятларда молия-иқтисодиёт сектори ходимлари мажбуран маҳаллада «ҳоким ёрдамчиси» лавозимига ўтказилаётгани айтилмоқда
Республика бўйлаб барча маҳаллаларда «ҳоким ёрдамчиси» лавозимига молия-иқтисодиёт сектори ходимлари мажбурлаб ўтказилаётгани айтилмоқда. Мурожаатчиларнинг сўзларига қараганда, улар ушбу лавозимга ўтишни рад этса, «президентга хиёнат» қилаётганликда айбланиб, ишдан бўшатилиши билан қўрқитилмоқда. Суҳбатга келмаганлар эса ички ишлар органлари томонидан мажбуран олиб кетилаётгани маълум қилинди. Аввалроқ, сайловолди ташвиқоти даврида Шавкат Мирзиёев «ҳоким ёрдамчиси» лавозимига ёшлар орасидан номзодлар танлаб олинишини айтганди.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
Қўшимча имкониятларга эга булиш учун сайтда рўйхатдан ўтинг